Igualdadi, um kaminhu ki ta liberta pouvo di tudo forma di dominasom. Liberdadi, um kaminhu ki ta manti maioria di pouvo na submissom. Liberdadi so podi ser uma realidadi vivida kuandu bu odjam sima bu ta odja bu pessoa. Ka tem bo, ka tem mim. Ka tem bo sem mim. Sima bo é mim ki mim é bo. Liberdadi pas ser um realidadi vivida tem ki bai di maozada ku igualdadi. Liberdadi sem igualdadi é pura spekulasom. Iguadadi sem liberdadi é pura spekulasom. Liberdadi di mao djuntadu ku igualdadi é kaminhu di salvasom. Igualdi di mao djuntadu ku liberdadi é kaminhu di salvasom.

Kes ki ta dividi ou ki ta kré parti és dos incomensuravel é so batoteirus. Modi ki bu podi valoriza bu liberdadi asima di nos igualdadi ? Modi ki bu podi reclama nos igualdadi sem liberdadi ?

Pa bu ser livri, ka é necesario limita nha liberdadi. Basta aceita nos igualdadi. Pa nu usufrui di igualdadi é necessario ser livri.

Equidadi é mas uma forma di dominasom. Recusandu igualdadi, reconhendu liberdadi, equidadi ta promovi diversidadi. Diversidadi é pura illusom kuandu diferença ta da mas direitu ki igualdadi. Equidadi é pura spekulasom. Promovendu competisom, prokurandu ekilibriu, equiadi ta skessi dignidadi.

Liberdadi é pa pobri o ki igualdadi é pa riku, o ki equidadi é pa confortadus. Ami nka ta conforta, nem ku promessa di liberdadi, nem ku speransa na igualdadi, nem ku promoção di equidadi.

Nha sonhu é vivé livri dia apos dia, di igual forma ki bu ta vivé livri. Nha sonhu é ser igual a bo, livri di skodji nos dignidadi, livri di vota pa humanidadi.

©Em kriolu 2020 emkriolu.com – Todos direitos reservados CGU