Ka mesti klassificam!

Paké pedim referencia ? Ka mesti dau nha fontis. Si nha riflisom sta bem di nha cabesa.

Nka podi afirma ntom ma tem um voz legitima ?

Pa ki motivu ndevi informa sobri basi di nhas pensamentus ?

Nka sta rivendika di ninhuma linhagi! Nem filosofiku, nem ideologiku, quanto mas politiku!

Nsta pratika di midjor kim podi, pa podi konstrui nha propi storia…

Ki é frutu di nha raiz finkadu na nha terra !

Resultadu di nha construsom civica e cultural na diversus lugaris di vida.

Frutu di nha aspirasom legitima pa mas liberdadi !

Nka sta revendi di nehum kategoria ja konstruidu.

Sim ka podi ser mim mesmu, na nha realidadi vivida e criada,

Nunka nka ta ser kel ki otus kré o ta spera pam ser.

Forsa di nha convicsom ta kaba pa dicepcionas.

Forsa di nha institu ta kaba pa desiludis.

Forsa di na intelectu ta kaba pos kala.

Kel nha prisenti é mi kim sta edifical, é isso ki sta interesam.

Kel ar kim sta respira é di um fonti ki ka ta esgota.

Mensagis kim sta divulga, é frutu di nha unika fé !